Honor kompaniyasi o'zining avvalgi modeli Honor 200 Lite bilan taqqoslaganda bir qator yaxshilanishlarga ega bo'lgan yangi hamyonbop smartfon – Honor 400 Lite'ni taqdim etdi. Qurilma yaxshilangan displey, samaradorligi yuqori platforma va sig‘imi kattaroq batareyaga ega bo‘ldi.

Smartfon 6,7 dyuymli, Full HD+ ruxsatli va 120 Gts gacha yangilanish chastotasiga ega AMOLED-displey bilan jihozlangan. Samaradorlik uchun MediaTek Dimensity 7025-Ultra chipseti javob beradi. Korpus IP65 himoya standartiga mos keladi va 1,8 metr balandlikdan tushishga bardoshli.

Asosiy kamera ikkita faol sensordan iborat: 108 MP – asosiy modul va 5 MP – keng burchakli. Uchinchi sensor esa sahna chuqurligini baholash uchun ishlatiladi. Old kamera 16 MP ruxsatga ega bo‘lib, oval shakldagi tirqishda joylashgan va svetodiodli chaqnoq bilan to‘ldirilgan.

O‘rnatilgan 5230 mA/soat sig‘imli akkumulyator 35 Vt quvvatli tezkor zaryadlashni qo‘llab-quvvatlaydi va uzoq muddatli avtonom ishlashni ta’minlaydi. Smartfon Android 9.0 bazasidagi MagicOS 15 firma qobig‘i ostida ishlaydi.

Qurilmaning o‘ng tomonida kamerani boshqarish uchun alohida tugma joylashgan – u ilovani tezda ishga tushirish, suratga olish, video yozish, shuningdek, tasvirni kattalashtirish imkonini beradi. Shuningdek, uzoq bosish orqali faollashtiriladigan kadrda obyektlarni aqlli qidirish funksiyalari ham joriy etilgan.

Smartfon amalda orqa kameraning uchta modulidan faqat ikkitasidan foydalanadi – uchinchisi suratga olish uchun emas, balki faqat chuqurlashtirilgan tahlil uchun mo‘ljallangan.

Honor 400 Lite 8 yoki 12 GB tezkor va 128 yoki 256 GB ichki xotiraga ega konfiguratsiyalarda ishlab chiqariladi. Displey 3500 nitgacha yorqinlikni qo‘llab-quvvatlaydi va ekran ostiga o‘rnatilgan optik barmoq izi skaneri bilan jihozlangan.