Yangilangan Apple Watch SE aqlli soatlari avvalgi SE modelining funksiyalari va xususiyatlarini saqlab qolgan: OLED ekran, yurak urish tezligini o‘lchash datchigi, qondagi kislorod miqdorini kuzatish datchigi, uyquni kuzatish, favqulodda xizmatlarga qo‘ng‘iroq qilish funksiyasi va 50 metr chuqurlikkacha suvdan himoya.

Bundan tashqari, ularda Apple Family Setup funksiyasi paydo bo‘ldi, u orqali ota-onalar o‘z iPhone’dan farzandlari uchun Apple Watch’ni sozlashlari mumkin.

Yangilangan Apple Watch SE modeli, xuddi Apple Watch Series 8 kabi, avtomobil avariyalarini aniqlash funksiyasiga ega bo‘ldi. Soatlar yangi Apple S8 protsessori tufayli avvalgi modelga nisbatan 20 % tezroq ishlaydi. Shu protsessor Watch Series 8 modelining ham asosiy chipidir.