• Protsessor: MediaTek Helio G81 Ultra – yuqori unumdorlik va barqarorlik
• Xotira: 6 GB tezkor xotira + 256 GB ichki xotira – suratlar, ilovalar va fayllar uchun yetarli joy
• Akkumulyator: 5300 mA·soat – bir marta quvvatlanganda uzoq muddatli avtonom ishlash
• Himoya: Chang va namlikdan himoya darajasi IP64 – sachrash va changga chidamli
• Dizayn: Zamonaviy korpus va ko'rinish – qo'lda qulay joylashadi
• OT: Android asosidagi Magic UI firma qobig'i – tez va intuitiv tushunarli interfeys
• Ekran: 6.5 dyuym, yangilanish chastotasi 120 Gts – video tomosha qilish va o'yinlarda silliq tasvir

Honor X6c: 120 Gts ekranli eng arzon Honor smartfoni taqdim etildi

Yangi qurilma namlik, tirnalish va tushishdan himoyalangan korpusga, shuningdek, 25 soatgacha avtonom ishlashni ta'minlaydigan 5300 mA·soat sig'imli batareyaga ega bo'ldi.

Honor X6c haqida nimalar ma'lum

Honor X6c — bu minimal-optimal xususiyatlar to'plamiga va ko'plab o'ziga xos jihatlarga ega smartfon. Qurilma 120 Gts chastotali ekran bilan jihozlangan, biroq paneli JK (suyuq kristalli) va ruxsati atigi HD+ (1604x720 piksel). Korpus IP64 himoyasiga ega, lekin u suvga botirishdan emas, faqat namlikdan himoyalaydi. Shu bilan birga, korpus metall emas, balki plastikdan yasalgan.

Smartfon ichida MediaTek Helio G81 Ultra o'rnatilgan. Bu 12 nanometrli texnologik jarayon asosida qurilgan, 2024-yilga tegishli kam quvvatli 8 yadroli protsessor. Chip AnTuTu benchmarkida 260 ming balldan oshmaydi. Honor X6c'ning unumdorligi o'yinlar uchun yetarli bo'lishi amrimahol, lekin ijtimoiy tarmoqlar va marketpleyslar uchun bemalol yetadi.

Model to'rtta sensor mavjudligini taqlid qiluvchi kvadrat shakldagi kameralar blokiga ega bo'ldi. Biroq, unda faqat bitta sensor bor — 50 MP asosiy modul bo'lib, u maksimal 1080p formatida video yozib oladi. Old tomonda 5 MPli frontal kamera o'rnatilgan bo'lib, u ham 1080p formatida suratga oladi.

Honor X6c'ni katta batareyasi uchun maqtash mumkin. U 5300 mA·soat sig'imga ega va 35 Vt tezkor quvvatlashni qo'llab-quvvatlaydi. Smartfon bir marta quvvatlanganda onlayn-video rejimida 14 soatgacha va veb-serfing rejimida 25 soatgacha ishlashi mumkin.

Shuningdek, Honor X6c'ning yana bir afzalligi 5 yulduzli SGS sertifikatidir. U smartfonni 1,5 metrgacha balandlikdan tushirib yuborilsa, unga hech narsa bo'lmasligini tasdiqlaydi. Qurilma oynasi tirnalishdan himoyalangan. Boshqa xususiyatlari: yon tomonda joylashgan barmoq izi skaneri, MagicOS'ning sun'iy intellektga asoslangan funksiyalarini qo'llab-quvvatlash, alohida sozlanadigan funksional tugma.

Honor X6c'ning texnik xususiyatlari

• Ekran: 6,61 dyuym, TFT, 1604x720 piksel, 120 Gts;
• Protsessor: MediaTek Helio G81 Ultra, ARM Mail G52 MC2 grafikasi;
• Xotira: 6/8 GB tezkor, 128/256 GB ichki;
• Batareya: 5300 mA·soat, 35 Vt tezkor quvvatlash;
• Kameralar: asosiy 50 MP, frontal 5 MP;
• Korpus: 163,95 x 75,6 x 8,39 mm, og'irligi 199 g, IP64 himoyasi;
• OT: Android 15 asosidagi MagicOS 9.0.