Hurmatli xaridor!

Qurilmadan foydalanishdan oldin quyidagi ma'lumotlarni va qurilma bilan birga qadoqlangan ekspluatatsiya qilish bo'yicha Qo'llanmani diqqat bilan o'qib chiqing, chunki unda sizning xavfsizligingiz va mahsulotni to'g'ri ishlatish va parvarish qilish bo'yicha ko'rsatmalar va muhim ma'lumotlarni berilgan. Qo'llanmani saqlab qo'ying va undan mahsulotdan keyinchalik foydalanish uchun ma'lumotnoma sifatida foydalaning.

Foydalanish bo'yicha ko'rsatma

Ushbu qurilma uy sharoitida va shunga o'xshash quyidagi sharoitlarda foydalanish uchun mo'ljallangan: do'konlar, ofislar va boshqa ish joylarida xodimlar uchun oshxona hududlarida; mehmonxonalar, motellar va boshqa turar-joy binolaridagi mijozlar tomonidan; ko'p qavatli uylar yoki umumiy kir yuvish xonalarida. Ushbu qurilmadan 8 yosh va undan katta yoshdagi bolalar hamda jismoniy, aqliy imkoniyatlari cheklangan yoki bilimi yo'q shaxslar nazorat ostida bo'lgan taqdirda yoki jihozdan xavfsiz foydalanish bo'yicha ko'rsatma olgan bo'lsa va u bilan bog'liq xavflarni tushunsa, foydalanishi mumkin. Bolalar qurilma bilan o'ynamasligi kerak.

Ehtiyot choralari

- Tan jarohati yoki qurilmaning shikastlanish xavfini oldini olish uchun kir yuvish mashinasini namlik yuqori bo'lgan yoki o'rnatish uchun mos bo'lmagan joylarga o'rnatmang.

- Kir yuvish mashinasini quyosh nuri to'g'ridan-to'g'ri tushadigan joyga o'rnatmang, bunda plastik yoki butlovchi qismlarga zarar yetishi mumkin, bu esa kir yuvish mashinasining ishlash muddatini qisqartiradi.

- Kir yuvish mashinasini harorat muzlash haroratidan past bo'lishi mumkin bo'lgan joylarga o'rnatmang. Muzlagan shlanglar yorilishi yoki darz ketishi mumkin. Elektron boshqaruv blokining samaradorligi past haroratlarda kamayishi mumkin.

- Kir yuvish mashinasini tozalash vaqtida uni suv bilan to'ldirmang.

- Kir yuvish mashinasini olov yoki issiqlik manbalaridan uzoqroqqa joylashtiring.

- Kir bilan birga mashina ichiga begona jismlar (masalan, mixlar, ignalar, tangalar, qisqichlar) tushmasligiga ishonch hosil qiling. Bu kiyimlaringizga yoki mashina qismlariga (masalan, baraban) zarar yetkazishi mumkin.

- Kir yuvish mashinasida suv o'tkazmaydigan matolarni (masalan, soyabon matolari) yuvmang.

- Kir yuvish mashinasidan kiyimlarni baraban aylanishi to'xtagandan keyingina oling. Harakatlanuvchi barabanga teginish o'ta xavflidir, chunki u jarohatlanishga olib kelishi mumkin.

- Bolalar har doim kir yuvish mashinasidan uzoqda bo'lishlari kerak. Shikastlanishning oldini olish uchun bolalarga uning ustida yoki uning yonida o'ynashiga yo'l qo'ymang. Mashinadan foydalanganda bolalarni nazorat qiling. Katta yoshdagi bolalar kir yuvish mashinasidan faqat uning ishlashi ularga aniq tushuntirilgan bo'lsa foydalanishlari kerak. Illyuminator eshigi bo'lgan modellar uchun illyuminator oynasi yuqori haroratda yuvilganda issiq bo'lishini unutmang. Bolalarni unga tegishiga yo'l qo'ymang.

O'rnatish

• Barcha qadoqlovchi qismlarni (jumladan, penoplast asosni) olib tashlang, aks holda tebranish va shovqin paydo bo'lishi mumkin. Qadoqlash paketlari va eshik oynasida tomchilar bo'lishi mumkin, bu ishlab chiqaruvchi tomonidan qurilma tekshirilishidan keyin qolgan ortiqcha namlik oqibatida yuzaga kelishi mumkin, bu normal holat.

• Kir yuvish mashinasini o'rnatishdan oldin unda shikastlanishlari yo'qligini tekshiring. Buzilgan kir yuvish mashinasini o'rnatmang va ishlatmang.

• Kir yuvish mashinasini o'rnatishdan quvvat manbasidagi ko'rsatkichlar qurilma Qo'llanmasidagi texnik tavsiflarga (kuchlanish va tok kuchi) mosligiga ishonch hosil qiling, agar shubhangiz bo'lsa, malakali xizmat ko'rsatish bo'yicha mutaxassis bilan maslahatlashing.

• Ushbu kir yuvish mashinasining elektr xavfsizligi, agar u amaldagi mahalliy va milliy xavfsizlik qoidalariga mos keladigan samarali zaminlash tizimiga to'liq ulangan bo'lsa, kafolatlanishi mumkin. Eng muhimi, ushbu asosiy xavfsizlik talabiga rioya qilish va muntazam ravishda tekshirilishi va agar shubha tug'ilsa, uy elektr simlari tizimini malakali mutaxassis tomonidan tekshirish kerak. Noto'g'ri zaminlash tizimidan kelib chiqadigan oqibatlar uchun ishlab chiqaruvchi javobgar emas.

• Kir yuvish mashinasini elektr uzaytirgich yordamida rozetkaga ulamang. Elektr uzaytirgich simlari jihozning talab qilinadigan xavfsizligini kafolatlamaydi.

• Kerakli asboblar yordamida qurilmaning orqa qismidagi barcha transportirovka boltlarini yechib oling. Ochilib qolgan teshiklarga komplektga kiritilgan berkitgichlarni tiqing. DIQQAT: AGAR TRANSPORTIROVKA BOLTLARI YECHIB OLINMASA, KUCHLI TEBRANISH, SHOVQIN YOKI KIR YUVISH MASHINASI ISHLASHIDA NOSOZLIKLAR KELIB CHIQISHI MUMKIN.

• Xavfsiz va to'g'ri ishlashini ta'minlash uchun qurilma to'rtala oyog'ida yuzada mahkam va mukammal tekis turishi kerak. Noto'g'ri o'rnatish tebranish va shovqinga olib kelishi yoki mashinaning joyidan siljishiga sabab bo'lishi mumkin.

• Kiyimlarni birinchi marta yuvishdan oldin, qurilmani kiyimlarsiz to'liq siklda ishga tushirish tavsiya qilinadi. Buning uchun: a) Quvvatni ulang va suv jo'mragini yoqing; b) Qurilmani yoqish uchun quvvat tugmasini bosing va “Paxta 20°” dasturini tanlang. c) “Start/Pause” tugmasini bosing, bunda ishlab chiqaruvchi tekshirgandan so'ng ichkarida qolgan suv chiqarib tashlanadi.

Tozalash

Qurilma tashqi qismini yumshoq, abrazivsiz tozalash vositalari yoki sovunli suv bilan yaxshilab siqilgan nam mato yordamida tozalang va yumshoq mato bilan quriting. Kimyoviy eritgichlar, abrazivli tozalash vositalari, oynalarni tozalash vositalari yoki universal tozalash vositalaridan foydalanmang. Ular tarkibidagi kimyoviy moddalar tufayli plastik yuzalar va boshqa qismlarga zarar yetkazishi mumkin.

Barabanni har 3 oyda "Barabanni tozalash" dasturi yordamida tozalang.