NEO FITO C 1000 — immunitet va kuch manbai!

Tovar nomi: Neo Fito C 1000

Chiqarilish shakli: Sirop, 175 ml flakonda.

Tarkibi:

10 ml sirop quyidagi faol moddalardan iborat:

• Atirgul mevasi ekstrakti (Ext. fructus rosae) – 3000 mg
• Askorbin kislotasi (vitamin C) – 1000 mg
• Koenzim Q10 – 50 mg
• Foliy kislotasi – 100 mkg
• Piridoksin (vitamin B6) – 1,5 mg
• Sianokobalamin (vitamin B12) – 2 mkg
• Kaltsiy (Ca2+) – 28 mg
• Magniy (Mg2+) – 8 mg
• Kaliy (K+) – 23 mg
• Fosfor (P) – 8 mg
• Marganes (Mn) – 19 mg
• Mis (Cu) – 3,7 mg
• Molibden (Mo) – 4,3 mg

Yordamchi moddalari: tozalangan suv, MKTs (mikrokristallik tsellyuloza), natriy benzoat, limon kislotasi, kaltsiy stearat.

Farmakoterapevtik guruhi:

Polivitamin va mineral kompleks.

Farmakologik ta’siri:

Neo Fito C 1000 — bu o‘simlik asosidagi polivitamin vositasi bo‘lib, uning ta’siri tarkibidagi komponentlarning tabiiy xususiyatlariga asoslanadi.

• Atirgul mevasi ekstrakti — immunitetni kuchaytiruvchi tabiiy polivitamin manbai. U organizmning virus, bakteriya va zararli omillarga qarshi chidamliligini oshiradi, qon tomirlar devorini mustahkamlaydi, regeneratsiya jarayonlarini faollashtiradi, endokrin bezlar faoliyatini rag‘batlantiradi va kuchli antioksidant ta’sir ko‘rsatadi.
• Shuningdek, u kollagen sintezida ishtirok etadi va hujayraviy almashinuvni normallashtiradi.
• Koenzim Q10 (CoQ10) — tanada tabiiy ravishda hosil bo‘ladigan, hujayralarda energiya ishlab chiqish jarayonida ishtirok etuvchi koferment.
• U mitoxondriyalardagi oksidlanish-fosforlanish zanjirida elektron tashuvchi sifatida faol ishtirok etadi va ATF (energiya) sintezini kuchaytiradi.
• Kuchli antioksidant xususiyatga ega, yurak faoliyati, miya va mushaklar salomatligi uchun muhim. Yoshi ulg‘aygan sari CoQ10 darajasi kamayadi, shu sababli uni tashqi manbadan qabul qilish zarur.
• Foliy kislotasi — qon hujayralari (eritrotsitlar) hosil bo‘lishi, DNK sintezi va oqsillar almashinuvi uchun zarur.
• Vitamin B12 bilan birgalikda qabul qilinishi tavsiya etiladi, chunki bu vitaminlar bir-birining ta’sirini to‘ldiradi.
• Vitamin B6 (Piridoksin) — asab tizimi faoliyatini me’yorda ushlab turadi, kalsiy, temir va magniy singari elementlarning so‘rilishini yaxshilaydi.

Qo‘llanilishi (ko‘rsatmalar):

• C vitamini tanqisligi va umumiy gipovitaminoz holatlarida;
• Gripp va virusli infeksiyalar davrida va keyin tiklanish bosqichida;
• Homiladorlik va emizish davrida vitamin-mineral yetishmovchiligini oldini olish uchun;
• Asabiy zo‘riqish, holsizlik, kuchsizlanish (asteniya) holatlarida;
• Gepatit, xolesistit, xolangit, dori yoki spirtli moddalardan zaharlanishda jigarni himoya qilish uchun;
• Sportchilar uchun — kuch va bardoshlikni oshirish maqsadida;
• Radiatsiya yoki kimyoterapiyadan so‘ng umumiy tiklanish uchun.

Qo‘llanish usuli:

Siropni o‘lchov qoshiq (2,5–5 ml) yordamida 0,5 stakan iliq suvda eritib, ovqatdan 30 daqiqa oldin ichish tavsiya etiladi.

Yosh guruhi

Dozasi va qabul qilish tartibi6 oylikdan 3 yoshgacha

0,5 ml × 2 marta kuniga

3 yoshdan 12 yoshgacha

1–2 ml × 2 marta kuniga

Kattalar, homiladorlar va emizikli ayollar

2–3 ml × 2 marta kuniga

Qo‘llashga qarshi ko‘rsatmalar:

Preparat tarkibiga individual sezuvchanlik.

Nojo‘ya ta’sirlari:

Odatda yaxshi o‘zlashtiriladi. Juda kam hollarda allergik reaksiyalar yoki yengil holsizlik kuzatilishi mumkin.

Boshqa dori vositalari bilan o‘zaro ta’siri:

Neo Fito C 1000 jigar kasalliklarini davolashda qo‘llaniladigan dorilar (fosfolipidlar, polivitaminlar, silyibinin) ta’sirini kuchaytiradi.

Chiqarilish sharti:

Dorixonalarda retseptsiz beriladi.

Neo Fito C 1000 “Halol” sertifikatiga ega.

100% tabiiy mahsulot, GMO va sun’iy qo‘shimchalarsiz, organizm tomonidan yaxshi o‘zlashtiriladi, uzoq muddatli qo‘llanish uchun mos.

❗Dori vositasi emas. Foydalanishdan oldin mutaxassis bilan maslahatlashish tavsiya etiladi.